ໃນຕອນເຊົ້າ ຂອງວັນຈັນ ວັນທີ 14 ພະຈິກ 2022 ເວລາ 08:00  ທີ່ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ນະຄອນຫຼວງວຽງຈັນ ສະພາປະຊາຊົນ ນະຄອນຫຼວງວຽງຈັນ ໄດ້ລົງຊຸກຍູ້ວຽກງານຮອບດ້ານພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ນະຄອນຫຼວງວຽງຈັນ ໂດຍ

ໃຫ້ກຽດເປັນປະທານຮ່ວມຂອງທ່ານ ບຸນຊົມ ຊົງວິໄລ ກຳມະການພັກ ນະຄອນຫຼວງວຽງຈັນ, ເລຂາຄະນະພັກຮາກຖານ,ຫົວໜ້າ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ນະຄອນຫຼວງວຽງຈັນ ແລະ ທ່ານ ສົມບັດ ຈັນທະມາດ ປະທານກຳມາທິການເສດຖະກິດ, ແຜນການ ແລະ ການເງິນ ສະມາຊິກສະພາປະຊາຊົນ ນະຄອນຫຼວງວຽງຈັນ ເຊິ່ງມີ ຄະນະພະແນກ, ຫົວໜ້າຂະແໜງ 5 ຂະແໜງທີ່ຂຶ້ນກັບພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ນະຄອນຫຼວງວຽງຈັນ ເຂົ້າຮ່ວມ.

ເຊິ່ງຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ນະຄອນຫຼວງວຽງຈັນ ໄດ້ລາຍງານການຈັດຕັ້ງປະຕິບັດວຽກງານ 10 ເດືອນ ແລະ ທິດທາງ 2 ເດືອນທ້າຍປີ 2022 ແລະ ຍັງໄດ້ລາຍງານຈຸດດີ, ຈຸດອ່ອນ, ຂໍ້ຄົງຄ້າງ ແລະ ມາດຕະການການແກ້ໄຂໃນຕໍ່ໜ້າ.