ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ນະຄອນຫຼວງວຽງຈັນ ອອກແຮງງານສ້າງຂະບວນການຕ້ອນຮັບວັນສໍາຄັນຕ່າງໆຂອງຊາດຂອງພັກ ໂດຍສະເພາະຕ້ອນຮັບກອງປະຊຸມສາມຂັ້ນຂອງພັກ ແລະ ກອງປະຊຸມອົງການຈັດຕັ້ງມະຫາຊົນຂອງ ພະແນກ ຂອງຕົນທີ່ຈະຈັດຂຶ້ນໄວໆນີ້ໃຫ້ມີບັນຍາກາດຟົດຟື້ນ ແລະ ເຕັມໄປດ້ວຍ ຄວາມໝາຍ-ຄວາມສໍາຄັນ ຂຶ້ນວັນທີ 16 ພະຈິກ 2019 ຢູ່ພະແນກຕົນ ມີ ທ່ານ ແອ໋ງພອນ ແພງສຸວັນ ຮອງຫົວໜ້າ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ນະຄອນຫຼວງວຽງຈັນ ແລະ ພະນັກງານ-ລັດຖະກອນເຂົ້າຮ່ວມ 150 ຄົນ ເຊິ່ງການອອກແຮງງານລວມຄັ້ງນີ້ໄດ້ພ້ອມກັນຕັດຫຍ້າ ເກັບຂີ້ເຫຍື້ອ ສ້ອມແຊມຕົ້ນໄມ້ກິນໝາກ ແລະ ຕົ້ນໄມ້ປະດັບ. (ບົດຂ່າວ ສະບາໄພ ໜັງສືພິມ ວຽງຈັນໃໝ່ 18 ພະຈິກ 2019).