Details


         ໃນຕອນເຊົ້າ ວັນສຸກ, ວັນທີ 06 ກັນຍາ 2019, ຢູ່ທີ່ຫ້ອງປະຊຸມຊັ້ນ 04 ຫ້ອງວ່າການ ປົກຄອງ ນະຄອນຫຼວງວຽງຈັນ, ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ນະຄອນຫຼວງວຽງຈັນ ໄດ້ຈັດ ພິທີປະກາດການຈັດຕັ້ງຂື້ນ, ໂດຍພາຍໃຕ້ ການເປັນ ປະທານຮ່ວມ ລະຫວ່າງ ທ່ານ ລາດຊະນີວົງ ອຳມະຣາທິທາດາ ຄະນະປະຈຳ ພັກ, ປະທານກວດກາພັກ-ລັດ  ນະຄອນຫລວງວຽງຈັນ ແລະ ທ່ານ ໄຊຍະເວດ ວິໄຊ ຄະນະປະຈຳພັກ ກະຊວງ, ຫົວຫນ້າ ກົມຈັດຕັ້ງ ແລະ ພະນັກງານ, ກະຊວງ ຊັບພະຍາກອນທໍາມະຊາດ ແລະ ສິ່ງແແວດລ້ອມ, ມີ ທ່ານ ເຈົ້າເມືອງ-ຮອງ ເຈົ້າເມືອງ, ຫົວໜ້າ ພະແນກ-ຮອງພະແນກການ ອ້ອມຂ້າງ ນະຄອນຫຼວງວຽງຈັນ, ນອກນັ້ນຍັງມີພະນັກງານ-ລັດຖະກອນ ພາຍໃນ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ນະຄອນຫຼວງວຽງຈັນ.ພ້ອມດ້ວຍຫົວໜ້າ ຫ້ອງການ ຊັບພະຍາກອນທໍາມະຊາດ ແລະ ສິ່ງແວດ ລ້ອມ 09 ເມືອງ ຂອງ ນະຄອນຫຼວງວຽງຈັນ ເຂົ້າຮ່ວມ.

Details


        ໃນຕອນເຊົ້າວັນພຸດ ທີ 28 ສິງຫາ 2019 ນີ້ ທີ່ສະໂມສອນ ເມືອງໄຊເສດຖາ ນະຄອນຫລວງວຽງຈັນ ໄດ້ຈັດກອງປະຊຸມສໍາມະນາວິທະຍາສາດຂື້ນໃນຫົວຂໍ້ "ເສີມຂະຫຍາຍມູນເຊື້ອ 23 ສິງຫາ ຕິພັນກັບການແກ້ໄຂຂໍຂັດແຍ່ງທີ່ດິນ ໂດຍການເປັນປະທານຂອງ ທ່ານ ອາດສະພັງທອງ ສີພັນດອນ ຮອງເຈົ້າຄອງ ນະຄອນຫລວງວຽງຈັນ. ເຊິ່ງມີເຈົ້າເມືອງ, ຮອງເຈົ້າເມືອງ, ຫົວໜ້າ ພະແນກ, ຮອງຫົວໜ້າ ພະແນກ ອ້ອມຂ້າງ ນະຄອນຫລວງວຽງຈັນ, ມີຫົວໜ້າ ຫ້ອງການ, ຮອງຫົວໜ້າ ຫ້ອງການອ້ອມຂ້າງ ເມືອງໄຊເສດຖາ ຕະຫລອດຮອງພະນັງານບໍານານ ແລະ ນາຍບ້ານອ້ອມຂ້າງເມືອງໄຊເສດຖາ ມີຜູ້ເຂົ້າຮ່ວມທັງໝົດ 171 ຄົນ.

Details

        ໃນຕອນເຊົ້າວັນທີ 28 ສິງຫາ 2019 ທີ່ ວັດບ້ານບົວ, ເມືອງນາຊາຍທອງ, ນະຄອນຫຼວງວຽງຈັນ, ພະແນກ ຊັບພະຍາກອນທໍາມະຊາດ ແລະ ສິ່ງແວລ້ອມ ນະຄອນຫລວງວຽງຈັນ ໄດ້ລົງສົມທົບ ກັບ ຫ້ອງການ ຊັບພະຍາກອນທໍາມະຊາດ ແລະ ສິ່ງແວດລ້ອມ ເມືອງ ນາຊາຍທອງ ລົງມອບ ໃບຕາດິນ ຈໍານວນ 99 ໃບ ໃຫ້ແກ່ ປະຊາຊົນ ບ້ານບົວ, ເມືອງນາຊາຍທອງ, ນະຄອນຫລວງວຽງຈັນ ນໍາພາລົງມອບໃນຄັ້ງນີ້ແມ່ນ ທ່ານ ຄໍາຕັນ ແກ້ວຫາວົງ ຮອງຫົວໜ້າ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ນະຄອນຫວງວຽງຈັນ.

Details

        ໃນຕອນເຊົ້າຂອງວັນທີ 23 ຕຸລາ 2019 ຢູ່ທີ່ ພະແນກຊັບພະຍາກອນທຳມະຊາດແລະສິ່ງ ແວດລ້ອມ ນະຄອນຫຼວງວຽງຈັນ ໄດ້ຈັດພິທີ ມອບຮັບໜ້າວຽກ(ໂຮມວຽກເຂົ້າກັນ) ພາຍໃຕ້ການເປັນປະທານ ຂອງ ທ່ານ ບຸນທາມ ພຸດທະວົງສາ ຫົວໜ້າພະແນກຊັບ ພະຍາ ກອນ ທຳມະຊາດ ແລະ ສິ່ງແວດລ້ອມ ນະຄອນຫຼວງວຽງຈັນ. ມີຄະນະພະແນກ,ຫົວໜ້າຂະແໜງ,ຮອງຂະແໜງ ພ້ອມດ້ວຍພະນັກງານພາຍໃນພະແນກຊັບ ເຂົ້າຮ່ວມ.

     ໃນພິທີ ທ່ານ ນາງ ສຸລິນທອນ ຮອງຫົວໜ້າຈັດຕັ້ງ ແລະພະນັກງານ ພະແນກ ພຊສ.ນວ ໄດ້ຂຶ້ນຜ່ານ ຂໍ້ຕົກລົງ ເລກທີ0647/ຈນວ,ລົງວັນທີ 22ສິງຫາ2019.ໃນນັ້ນໄດ້ມີຂະແໜງບໍລິຫານ ແລະການເງິນ ມອບວຽກໃຫ້ຂະແໜງແຜນການ,ສິຖິ ແລະຂໍ້ມູນ-ຂ່າວສານ,ຂະແໜງຈັດຕັ້ງ ແລະ ພະນັກງານ ມອບວຽກໃຫ້ ຂະແໜງກວດກາ,ຂະແໜງຈັດສັນ ແລະພັດທະນາທີ່ດິນ ມອບວຽກໃຫ້ ຂະແໜງທີ່ດິນ,ຂະແໜງສິ່ງແວດລ້ອມ ມອບວຽກໃຫ້ ຂະແໜງຕິດຕາມກວດກາສິ່ງແວດລ້ອມ ແລະຂະແໜງ ອຸຕຸນິຍົມ ແລະ ອຸທົກກະສາດ ມອບວຽກໃຫ້ຂະແໜງຊັບພະຍາກອນນໍ້າ.

        ໃນຕອນທ້າຍພິທີ ກໍ່ໄດ້ຮັບຟັງການໂອ້ລົມຂອງທ່ານ ຫົວໜ້າພະແນກຊັບພະຍາກອນທຳມະຊາດແລະ ສິ່ງແວດລ້ອມ ນະຄອນຫຼວງວຽງຈັນ.ກ່ອນອື່ນໝົດທ່ານ ໄດ້ຍົກໃຫ້ເຫັນຄວາມໝາຍຄວາມສຳຄັນໃນການໂຮມຂະແໜງເຂົ້າກັນໃນຄັ້ງນີ້  ກໍ່ເພື່ອເຮັດໃຫ້ໜ້າວຽກ ມີຄວາມສອດຄ່ອງ ກັບແຜນການພັດທະນາເສດຖະກິດສັງຄົມ,ທັງເປັນການປັບປຸງຂອດຂອງການບໍລິການໃຫ້ມີຄວາມຖືກຕ້ອງ ແລສອດຄ່ອງກັບໜ້າວຽກຕົວຈິງ.

 

 

 

        ໃນວັນທີ 27 ສິງຫາ 2019 ຢູ່ທີ່ໂຮງແຮມ ລາວລ້ານຊ້າງ ນະຄອນຫຼວງວຽງຈັນ. ກົມນະໂຍບາຍ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ສົມທົບ ກັບ ພະ ແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ນະຄອນຫຼວງວຽງຈັນ ແລະ ບໍລິສັດ ລາວພັດທະນາ ໂລຫະ ວັດຖຸດິນ ຈໍາກັດ ຜູ້ດຽວ ໄດ້ຈັດ ກອງປະຊຸມ ປືກສາຫາລື ຂັ້ນແຂວງ/ສູນກາງ ກ່ຽວກັບບົດລາຍງານການປະເມີນຜົນ ກະທົບຕໍ່ສິ່ງແວດລ້ອມແບບລະອຽດສໍາລັບໂຄງການແປຮູບສິ່ງເສດເຫຼືອຈາກອີເລັກໂຕນິກມາເປັນວັດຖຸດິບຄືນໃໝ່.

Details

        ໃນຕອນເຊົ້າວັນຈັນ, ວັນທີ 12 ສິງຫາ 2019 ທີ່ຫ້ອງປະຊຸມຊັ້ນ 03 ພະແນກ ຊັບພະຍາກອນທໍາມະຊາດ ແລະ ສິ່ງ ແວດລ້ອມ ນະຄອນຫຼວງວຽງຈັນ ໄດ້ຈັດກອງປະຊຸມ ຮ່ວມກັນ ລະຫວ່າງ ຄະນະກວດສອບ ປະຈໍາ ພາກກາງ ຂອງ ອົງການ ກວດກາແຫ່ງລັດ ແລະ ພະແນກ ຊັບພະຍາກອນທໍາມະຊາດ ແລະ ສິ່ງ ແວດລ້ອມ ນະຄອນຫຼວງວຽງຈັນ. ພາຍໃຕ້ການເປັນປະທານ ຮ່ວມ ລະຫວ່າງ ທ່ານ ວົງພະກອນ ໄຊສິດທິເດຊ໌ຮັກສາການ ປະທານ ອົງການ ກວດສອບ ປະຈໍາ ພາກກາາງ ແລະ ທ່ານ ບຸນມາ ເທບສົມບັດ ປະທານ ກວດກາ, ຮອງຫົວໜ້າ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ນະຄອນ ຫຼວງວຽງຈັນ. ເຊິ່ງມີວິຊາການຈາກ ອົງການກວດສອບ ປະຈໍາ ພາກກາງ ແລະ ຄະນະປະສານງານຈາກ ພຊສ ນະຄອນຫຼວງວຽງຈັນ ເຂົ້າຮ່ວມທັງໝົດ 25 ທ່ານ.

  1. ທ່ານ ລັດຖະມົນຕີ ກຊສ ແລະ ທ່ານ ຮອງເຈົ້າຄອງ ນວ ລົງຊີ້ນໍາວຽກຢູ່ ພຊສ ນວ
  2. ພຊສ ນະຄອນຫຼວງວຽງຈັນ ສົມທົບກັບ ກົມທີ່ດິນ ລົງຊຸກຍູ້ວຽກງານ ຢູ່ ຫຊສ ເມືອງປາກງື່ມ
  3. ຫົວໜ້າ ພຊສ ນະຄອນຫລວງວຽງຈັນ ວາງ 12 ມາດຕະການ ແກ້ໄຂບັນຫາທີ່ດິນ ພ້ອມເດັດຂາດຕໍ່ ພະນັກງານ ທີ່ລະເມີດກົດໝາຍ

Subcategories

  • You are here:  
  • Home
  • ຂ່າວສານ ປະຊາສຳພັນ